Polo movemento de translación a Terra móvese arredor do
Sol, impulsada pola gravitación, en 365 días, 5 horas e
57 minutos, equivalente a 365,2422 días, que é a
duración do ano. O noso planeta describe unha
traxectoria elíptica de 930 millóns de quilómetros, a
unha distancia media do Sol de 150 millóns de
quilómetros.
O Sol atópase nun dos focos da elipse. A
distancia media Sol-Terra é 1 U.A. (Unidade
Astronómica), que equivale a 149.675.000 km.
Como resultado dese larguísimo camiño, a
Terra viaxa a unha velocidade de 29,5 quilómetros por
segundo, percorrendo nunha hora 106.000 quilómetros, ou
2.544.000 quilómetros ao día.
A excentricidade da órbita terrestre fai
variar a distancia entre a Terra e o Sol no transcurso
dun ano. A distancia Terra-Sol no perihelio é de
142.700.000 quilómetros e a distancia Terra-Sol no
afelio é de 151.800.000 quilómetros. |